George Estabrooks, Hypnotism, 1943

 

闔埋雙眼，你而家瞓緊覺，瞓得好冧。放鬆你全身的肌肉，想像吓你喺熟睡之中，瞓得好冧，好冧。你將會保持熟睡，直到我叫醒你，到時你就會安靜咁醒返, 到時暗示的結果會令你覺得冚綳冷都好好。你而家喺熟睡之中，瞓得好冧，好冧。

 

雙眼緊閉

聽我講，而家你上下眼皮黐住咗，黐得好實，你會覺得好得意，佢哋竟然黐得好實，好實。你上下眼皮黐得好實。無論你點用力，都冇辦法擘開對眼。而你越用力，眼皮就黐得越實。你可以試吓擘開對眼，但係我可以好肯定咁話，你冇辦法擘得開。

而家放鬆哂，放鬆你眼部的肌肉。佢哋開始恢復正常。你而家好似瞓著咗。你會一直瞓，直到我叫醒你，到時你會好安靜同輕輕鬆鬆咁醒返。放鬆哂，瞓啦！

 

僵硬的手臂

我而家要做第二個測試。你右手喺(形容位置)度開始變得僵硬，僵硬，僵硬。你唔可以將你的右手手臂彎曲，你的手臂好似變咗一支鐵咁。你冇可能彎曲倒你的右手手臂。你可以試吓，不過我敢肯定咁話你冇可能彎曲倒你的手臂。

放鬆，放鬆你的右手，放鬆哂，你右手開始恢復正常，你的右手好安靜咁喺你身邊休息，一啲緊的感覺都冇。你而家覺得自己瞓緊覺，瞓得好冧，好冧，好冧！

 

軟腳

而家你留意到你的身體開始飄浮，飄浮，飄起。你可能會好高興咁發現自己唔可以控制腳部的肌肉，你係幾咁放鬆，你記唔記得你喺邊度出世的？記住！你對腳太放鬆嘞，你對腿冇辦法郁動。你淨係可以坐喺張凳度，你冇可能起倒身，你對腳太放鬆嘞，而且，你越想企起身，你對腳就越放鬆，你淨係可以坐喺張凳度，你可以試吓。

你而家瞓緊覺，瞓得好冧，好冧。唔使幾耐你就會發夢。

 

自動運動

而家，細心聽我講，我會開始轉動你對手，一隻跟住一隻(建立僵直)，而家，我哋開始啦！(開始轉動客戶對手)。你對手開始轉動，一圈一圈咁轉，越轉越快。繼續轉，佢哋越轉越快，越轉越快。你好開心咁發現你唔可以停止轉動自己對手。無論你點努力嘗試，你對手都係一圈一圈咁轉。

睡眠

好~停！俾對手垂低。同時開始瞓覺，越瞓越冧，如果你想的話，可以發個夢啦。

 

夢中說話(夢囈)

而家我會問你幾個簡單的問題。你開始瞓著，你將會喺夢裏便用發開口夢的方式回答我的問題，就好似你聽倒人哋發開口夢咁。當你同我講嘢嗰陣時，你會繼續瞓覺，繼續瞓得好冧，而且你會發覺你好容易就答倒我的問題。

問問題，例如：你住喺邊度呀？講個地址出嚟聽吓。

你有冇兄弟姊妹呀？

睡眠

 

 夢遊

過一陣你將會企起身，我會幫你。你企起身嗰陣仲係瞓緊覺，好似發緊夢咁。你見過夢遊的人。(幫助客戶)而家企起身，夢遊啦！你發現你可以好輕鬆咁運用你腳部的肌肉，同時繼續瞓覺。企起身啦！

睡眠

好，坐低同時返到之前瞓得好冧的狀態。

 

幻視

聽清楚，當我同你講出關鍵詞嗰陣。你將會擘開你對眼，同時維持喺瞓得好冧的狀態裏便。你仲係瞓得好冧同發緊夢。擘開你對眼，睇吓我手攞住的網球係乜嘢顏色？

 

建議

 

任何有關短期的建議，現在刪除。長期的建議繼續。

等陣，我會從10倒數至1，每數一個數字，你就慢慢的清醒過來，清醒十分之一，直到我數到一，你就會完全清醒。10…9…8…7…6…5…4…3…2…1…

動一動你的手手腳腳，慢慢回到這個房間，這個地方… (當他開眼)Welcome back！“